Mingəçevir Dövlət Universitetində yeni kampusun tikintisinə start verildi

Mingəçevir Dövlət Universitetinin (MDU) yeni kampusunun tikintisinə rəsmi olaraq başlanılıb. Bu münasibətlə universitetin rektoru Anar Eminov kampus ərazisinə baxış keçirib və aparılan işlərlə tanış olub.

7 hektar ərazidə inşa ediləcək müasir kampus universitet kollektivi və tələbələr üçün geniş imkanlar yaradacaq. Layihə çərçivəsində aşağıdakı infrastruktur obyektlərinin istifadəyə verilməsi nəzərdə tutulur:

Tədris binaları
Konfrans zalı və kitabxana
Oğlan və qız tələbələr üçün yataqxanalar, müəllimlər üçün studio tipli mənzillər
Hotel binası
Peşə məktəbi
Açıq və qapalı idman zalları
Müasir laboratoriyalar
Biznes inkubasiya və startap mərkəzləri
Tələbələr üçün müxtəlif istirahət və asudə guşələr

Yeni kampus layihəsi MDU-nun yalnız tədris imkanlarını genişləndirməklə kifayətlənməyəcək, həm də universitetin regionun aparıcı ali təhsil müəssisələrindən biri kimi mövqeyini daha da möhkəmləndirəcək.